Грамадская ініцыятыва «Клуб «Вілeйчане»

Пра нас

Гісторыя

Мерапрыемствы

Фотаальбом

Кантакты

    Клуб «Вілейчане» з'яўляецца супольнасцю структур і асобных грамадзян, здольных на сумесную канструктыўную працу па вырашэнні лакальных грамадскіх праблем на грунце агульначалавечых каштоўнасцей.

    Клуб задумваўся як структура, якая ў межах сваёй кампетэнцыі:

• Ахоплівае шырокі спектр накірункаў працы, сярод якіх:
  — здаровы лад жыцця;
  — інстытут сям'і;
  — пазітыўныя маральныя ідэалы;
  — патрыятычнае стаўленне да краіны, любоў да роднага горада;
  — сацыяльная дапамога;
  — навучанне і інш.
  
• Аб'ядноўвае намаганні грамадскага сектару, улады, бізнесу, сродкаў масавай інфармацыі і аобных грамадзян дзеля вырашэння лакальных праблем.
• Каардынуе дзейнасць грамадскіх арганізацый, органаў улады і бізнесу ў супольных праектах.
• З'яўляецца пасярэднікам у дачыненнях грамадскіх арганізацый, бізнесу і асобных грамадзян з органамі ўлады.
• Аказвае магчымую інфармацыйна-тэхнічную дапамогу грамадскім арганізацыям і асобным грамадзянам па пытаннях, датычных накірункаў працы клубу.

ДЭКЛАРАЦЫЯ

    Мы, прадстаўнікі грамадскіх арганізацый, улады, бізнеса, сродкаў масавай інфармацыі і асобныя грамадзяне города Вілейкі,
усведамляючы адказнасць, якая ляжыць на ўсіх нас за жыццё нашага горада;
разумеючы, што, толькі аб'яднаўшы нашыя намаганні, можна паспяхова рашаць грамадскія праблемы;
улічваючы, што для пабудовы грамадзянскай супольнасці з сацыяльна-арыентаванай рынкавай эканомікай і для рашэння сацыяльных праблем горада неабходна шырокае прыцягненне розных слаёў насельніцтва ў грамадскія адносіны;
будучы ўпэўненымі, што наша супрацоўніцтва павысіць давер жыхароў горада да ўладаў, грамадскіх арганізацый, бізнесу і дазволіць вызваліць фінансавыя і людскія рэсурсы органаў улады на выкананне іншых сацыяльных праграм горада,
ЗАЯЎЛЯЕМ АБ ГАТОЎНАСЦІ ДА СУПОЛЬНАЙ ПРАЦЫ Ў МЕЖАХ ГРАМАДСКАЙ ІНІЦЫЯТЫВЫ "КЛУБ "ВІЛЕЙЧАНЕ" І Ў АДПАВЕДНАСЦІ З ЯГО СТАТУТАМ.